Դդմիկով ջեռեփուկ

Անհրաժեշտ է.

5 հատ փոքր գազար
4 հատ դդմիկ
4 հատ ձու
200 գրամ թթվասեր
200 գրամ մածուն
200 գրամ ալյուր
համեմ, սամիթ
աղ ու սև պղպեղ

 Դդմիկը կտրատել շերտերով, աղ ու սև պղպեղ անել դնել ձիթայուղով պատած տապական և եփել 10-15 րոպե:

Քերիչով անցկացրած գազարը, մանր կտրտած համեմն ու սամիթը դնել տապակած դդմիկի վրա ու ռուլետի նման փաթաթել:

Պատրաստել սոուս. թթվասերի վրա ավելացնել մածուն, ձուն, ալյուրը և աղը:

Ստացված սուսը հավասարաչափ լցնել ռուլետների վրա:

Եփել ջեռոցում 40 րոպե  մինչև կարմիր կեղև առաջանալը: Բարի ախորժակ :)

Ռատատույ

Անհրաժեշտ է.

 7 հատ լոլիկ
3 հատ սմբուկ
3 հատ դդմիկ
2 հատ կանաչ պղպեղ
2 հատ կարմիր պղպեղ
2 հատ սոխ
2 ճաշի գդալ տոմատի մածուկ
2 ատամ սխտոր
չորացրած ռեհան և ծիտրոն
համեմ, մաղադանոս
աղ և սև պղպեղ

Դդմիկը, 6 հատ լոլիկն ու սմբուկը օղակաձև կտրատել, սմբուկի վրա աղ անել և թողնել 20 րոպե, որից հետո սառը ջրով լվանալ: Սոխը կտրատել և տապակել, ավելացնել խորանարդաձև կտրտված պղպեղներ, լոլիկ,տոմատի մածուկ, սխտոր, չորածցրած ռեհան և ծիտրոն, համեմել աղով և սև պղպեղով:

Տապակած բանջարեղենը լցնել տապակայի մեջ և հերթականությամբ շարել սմբուկը, դդմիկն ու լոլիկը:

Բանջարեղենը ցողել ձիթայուղով, տապակը ծածկել փայլաթիթեղով և եփել 30 րոպե:

Փայլաթիթեղը հանել և 10 րոպե ևս եփել: Զարդարել մանր կտրտված կանաչեղենով: Բարի ախորժակ :)

Լավաշով տաք նախուտեստ

Անհրաժեշտ է.

6 հատ ձու
500 գրամ աղացած տավարի միս
500 գրամ թթվասեր
4 հատ լավաշ
4 հատ գազար
4 ճաշի գդալ տոմատի մածուկ
չորացրած ռեհան, աղ ու սև պղպեղ

Գազարը քերիչով անցկացնել և ավելացնել նախապես տապակած աղացած և համեմված մսին:

Ստացված խառնուրդը լցնել լավաշների մեջ և փաթաթել, ստանալ ռուլետի տեսք և տեղադրել տապակի մեջ:

Պատրաստել սոուս.  թթվասերի վրա ավելացնել ձու, տոմատի մածուկ, չորացրած ռեհան, աղ ու սև պղպեղ և ստանալ միասեռ զանգված:

Լավաշների վրա դնել մի քանի կտոր կարագ և հավասարաչափ լցնել սոուսը:

Եփել ջեռոցում 30 րոպե: Բարի ախորժակ : )

Հավի մսով մինի ռուլետներ

Անհրաժեշտ է.

1 կգ հավի կրծքամիս
3 հատ գազար
2 հատ դդմիկ
2 հատ ձու
100 գրամ պանիր
պաքսիմատ
չորացրած ռեհան և ծիտրոն, համեմ, սամիթ
աղ, սև ու կարմիր պղպեղ

Հավի կրծքամիսը ծեծել,  համեմել աղով ու կարմիր պղպեղով:

 Դդմիկը կտրատել, ավելացնել աղ, սև պղպեղ և մանր կտրտած սամիթ:

Գազարը անցկացնել քերիչով, ավելացնել սև պղպեղ, աղ, չորացրած ռեհան:

Համեմը և պանիրը կտրատել, ավելացնել չորացրած ծիտրոն:

Հավի կրծքամիսի մեջ առանձին-առանձին լցնել միջուկները, ռուլետի նման փաթաթել և ամրացնել թելով կամ չոփիկներով:

Ռուլետները թաթախել հարած ձվի մեջ այնուհետ պաքսիմատի մեջ, նույնը կրկնել ևս մեկ անգամ:

Առատ ձիթայուղի և կարագի մեջ ռուլետները տապակել շատ ուժեղ կրակով մոտ 10 րոպե մինչև կարմիր կեղև առաջանալը,

 որից հետո թուլացնել կրակը և ևս 30 րոպե եփել: 

Ռուլետնրը սառելուց հետո կտրատել և զուգահեռ զգուշությամբ հանել թելը: Բարի ախորժակ :)

Կարտոֆիլով և լոլիկով ջեռեփուկ

Անհրաժեշտ է.

5 հատ կարտոֆիլ
5 հատ լոլիկ
3 բաժակ կաթ
3 ճաշի գդալ ալյուր
200 գրամ պանիր
50 գրամ կարագ
1 հատ ձու
չորացրած ծիտրոն,աղ

Պատրաստել սոուս. կաթսայի մեջ հալեցնել կարագը ավելացնել ալյուրը և եփել: Կամաց-կամաց ավելացնել ալյուրը` անընդհատ խառնելով, որպեսզի գնդիկներ չառաջանան, վերցնել կրակից և ավելացնել ձուն` արագ խառնելով:

Կարտոֆիլն ու լոլիկը օղակաձև կտրատել և շարել տապակի մեջ համեմել աղով և չորացրած ծիտրոնով: Ավելացնել սոուսն ու քերիչով անցկացրած պանիրը:

Եփել ջեռոցում 30 րոպե մինչև կարմիր կեղև առաջանալը: Բարի ախորժակ :)

Լցոնած սունկ

Անհրաժեշտ է.

500 գրամ շամպինյոն
500 գրամ աղացած տապակած տավարի միս
200 գրամ պանիր
2 հատ լոլիկ
համեմ
աղ և սև պղպեղ

Սունկը լվանալ, չորացնել, համեմել աղով և սև պղպեղով, ձիթայուղ քսել վրան բարակ շերտով, լցոնել աղացած մսով և դնել տապակի մեջ:

Սունկի վա դնել լուսնաձև կտրտած լոլիկն ու պանիրը:

Եփել ջեռոցում 10 րոպե, զարդարել մանր կտրտած կանաչիով և կանաչ պղպեղով: Բարի ախորժակ: :)

Բաժակով տաք նախուտեստ

Անհրաժեշտ է.

500 գրամ հավի փափկամիս
2 հատ գազար
2 հատ սոխ
100 գրամ պանիր
պաքսիմատ
աղ ու սև պղպեղ

Փայլաթիթեղը կտրել 15/8 սմ երկարությամբ, 2 հավասար մասի ծալել և փաթաթել բաժակի շուրջը ու ստանալ նախընտրելի չափսի  բաժակներ:

Առանձին-առանձին տապակել  գազարն ու սոխը, հավի փափկամիսը, որը պետք է նախապես համեմել աղ ու սև պղպեղով:

Բաժակների մեջ շերտերով դնել նախ տապակած սոխը, գազարը, 

այնուհետ հավի փափկամիսը, քերած պանիրն ու պաքսիմատը:

Նախապես տաքացրած ջեռոցում եփել 15 րոպե: Բարի ախորժակ : )